عمالة النظافة: ما مفهومها؟
عمالة النظافة في مصر والوطن العربي عمومًا كمفهوم مش معروف، ودايمًا اللي بيجي في بالنا مجرد ما نسمع كلمة ” عمالة النظافة ” هو عمال تنظيف المنازل فقط، رغم ان ده يعتبر جزء صغير من عمالة النظافة.
عمالة النظافة لهم كذا وظيفة، من ضمنهم تنظيف المنزل، وللوضوح أكثر ففي وظائف متخصصة جوا عمالة النظافة في البيوت زي التنظيف العميق، والتنظيف الاساسي، وتنظيف الشقق بعد التشطيب، لكل واحد فيهم متطلبات ومجهود مختلف عن التاني.
فمثلًا التنظيف العميق بيكون فيه تنظيف للستائر والحوائط والنجف، إنما الاساسي فهيكون بس تنظيف للحجرات والمطبخ والحمام وهكذا.
وفي برضوا عمالة نظافة المتخصصين للشركات والمحلات والمطاعم، وده بيكون مدرب على استخدام أدوات واجهزة التنظيف الخاصة بالشركات، والتعامل مع الموظفين والمديرين بطريقة احترافية، وبيكون شخص فاهم أيه المفروض يعمله، ويقوم بيه بأكمل وجه في أسرع وقت.
محتويات المقال
المشكلة منين؟ من عمالة النظافة ولا من المحتاجين لهم؟
وبسبب اللخبطة الموجودة بخصوص مفهوم عمالة النظافة، فأكيد حقوقهم وواجباتهم مش واضحة، بالأخص لو تكلمنا عن عمالة النظافة بالمنازل، لأنهم بيواجهوا مشكلة ان ملهمش جهة يرجعولها لو حصلهم مشكلة أو حصلهم إصابة عمل أو لو واجهتهم مشاكل نصب أو احتيال أو غيره من المشاكل اللي كلنا سمعنا عنها.
ده غير المشاكل اللي بتواجه ربات المنازل وأصحاب الشركات مع عمال النظافة، وأكثرهم عدم الالتزام والشكوى من قلة المرتبات وغيره، من المشاكل زي التقاعس في العمل والإهمال، واللي أكيد بيترتب عليه مشاكل كبيرة في سير العمل خصوصًا لو بنتكلم عن شركة؛ لأنها محتاجة دايمًا يكون الشكل العام نظيف.
ومن هنا كان لازم نعرف ايه للي لينا واللي علينا، عشان ميحصلش مشاكل وتضطر الشركة أو ربة المنزل إنها تقطع عيش ناس مش ذنبهم إنهم مش عارفين حقوقهم ولا واجباتهم.
حقوق عمالة النظافة
حقوق عمالة النظافة بسيطة وواضحة، أهمها
إنك توفرلهم أدوات واجهزة التنظيف اللازمة والآمنة
مينفعش تطلب منهم إنهم يجيبوا ادوات التنظيف بنفسه، خصوصًا لو كانت ادوات تنظيف معينة أو تكلفيتها عالية، لإنه أكيد هيأثر في ميزانيتهم عمومًا
وكمان لازم تكون عارف إن الاجهزة الكهربائية للي هيستخدومها في التنظيف لازم تبقى آمنة وسليمة.
تلتزم بمواعيد مرتباته وحوافزه
يقول النبي ﷺ: يقول الله: “ثلاثة أنا خصمهم يوم القيامة، ومن كنت خصمه خصمته، رجل أعطى بي ثم غدر، ورجل باع حرا فأكل ثمنه، ورجل استأجر أجيرًا فاستوفى منه ولم يعطه أجره”
لو كنت في بلد بتوفر التأمين الصحي، لازم تتدخله فيه
عمالة النظافة بتواجه جراثيم وفيروسات كتير، عشان كده لازم يكون لهم تأمين صحي، يضمن لهم حقوقهم الصحية، لو عمالة النظافة هتكون في مستشفى فلازم يكون لهم بدل نظافة
اخيرًا: المعاملة الطيبة
المعاملة بالحسنى هي معاملة اساسية مع كل البشر ملهاش علاقة بمسماهم الوظيفي
واجبات عمالة النظافة
عمالة النظافة لهم واجبات كتير أولهم إنهم يحافظوا على نظافة المكان ولو بيشتغلوا بصفة دائمة لازم يكون المكان دايمًا نضيف وشكله العام مترتب، وكمان يلتزموا بالمواعيد وميخلوش بيها، إلا في الظروف قهرية أو لعذر متوافق عليه.
وعلى الجانب الأخر لازم يوفر لنفسه طرق سريعة ينجز فيها الشغل ويرتب وقته.