تفتكري أيه أدوات النظافة للي محتاجاها بالتحديد؛ لتنظيف المنزل؟ المكنسة وقطعة القماش ومنظف زجاج بس؟! أكيد لأ! في أدوات ومواد ثانية كتير، حتى المكنسة والجروف لهم أنواع على حسب إنتِ عاوزة تنظفي سجاد ولا الأرض مثلًا
طب أيه هي أهم أدوات النظافة للي محتاجاها؟
محتويات المقال
أدوات النظافة لـ ترتيب وتنظيف المنزل
أولًا
هتكوني محتاجة تتخلصي من مهمة جمع الملابس المتسخة وغسلها.. عشان كده أول حاجة لازم تحطيها في بالك هي ” مسحوق الغسيل ومُعطر للأقمشة“، ومع الأخذ في الاعتبار نوع الغسالة اللي بتستخدميها، وإنه نوع المسحوق ميكونش ضار بالأقمشة
ثانيًا
بعد ترتيب الغرف، وتأكيد من أنها خالية من كل الكركبة، هتبقي محتاجة تلمعي الأسطح الزجاجية والخشبية للي في الغرف
وده معناه إنك هتحتاجي “ملمع للأسطح” للي يفضل يكون رائحته هادية خصوصًا لو كنتِ بتعاني من حساسية، و”منشفة بيضاء” عشان تقدري تعرفي مدى نظافة السطح من عدمه
ثالثًا
هتحتاجي “المكنسة الكهربائية“؛ لإنها مناسبة لكل الأغراض بداية من تنظيف الكنب والكراسي وشفط الأتربة منهم لحد الأرضيات، وللي هيغنيكي عن مسح الأرضيات بنسبة ما، وكمان هتخليكي متشليش هم تنظيف السجاد من الأتربة اللاصقة والشعر
رابعًا
هتحتاجي مُعطر للسجاد وللجو، ممكن تصنعيه في البيت لو حبة، أو تشتري بخور عربي بالرائحة للي تحبيها، ولو حد من أبنائك أو زوجك بيعانوا من الجيوب الأنفية، فحاولي تعطري المنزل قبل حضورهم
أدوات النظافة للمطبخ
بعد ترتيب وتنظيف الغرف، لازم تبدأي في المطبخ، وهتكوني محتاجة فيه
أ) منظف الأطباق: حاولي تختاري نوع متحتاجيش بيه للمُبيض (الكلور)؛ لأنه مضر جدًا للصحة
ب) الخل والليمون: وللي هيساعدوكي في تطهير الأسطح الرُخامية وتنظيف الصحون والفرن وسطح البوتجاز والحوض
جـ) الممسحة والدلو ومنظف أرضيات: لتنظيف الأرض، وممكن تحطي كمان بضع قطرات من أي نوع مُطهر عندك؛ لقتل الجراثيم
أدوات النظافة الخاصة بالحمام
أدوات تنظيف الحمام واحدة، ولا تختلف فيها عن أدوات النظافة الحمام في المكاتب والشركات.. فهي
أولًا: فرشاة المرحاض: ودي أول حاجة لازم تكون متوفرة، ولازم تكون نظيفة دايمًا ومعقمة، وده بأنك تحطيها جوا خليط من المطهر ومسحوق غسيل يدوي
ثانيًا: منظف للأحواض وأسفنج وسلك: عشان يسهل عليكي تنظيف الأحواض وتلميعها
في النهاية
تحديد أدوات النظافة بيكون حسب هدفك من التنظيف، يعني مثلًا محتاجة تشيلي الشعر والأتربة اللاصقة من السجاد ولا عاوزة تنظيف سطحي، بحيث تكون السجادة خالية من الأتربة بدون مجهود
وياترى إنتِ محتاجة تنظفي المنزل بسرعة ولا عندك مناسبة؟ والمناسبة دي هتحتفلي بيها مع ناس فمحتاجة تنظيف عميق وتهتمي بكل تفصيلة في البيت؟
ولا هتقضوا اليوم مع بعض كأسرة في هدوء فكل اللي هتحتاجيه بيت مرتب وهادي ورائحة المخبوزات والأكل المفضلة للأسرة هو الغالب على روح البيت؟
ومن ناحية تانية .. أيه الوقت للي بدأتي تنظفي البيت؟ الصبح قبل مشوار مهم؟ ولا في يوم مخصصها للنظافة البيت نفسه؟ ولا بليل قبل ما تنامي؟
كل دي نقط لازم تكوني محدداها قبل ما تبدأي في التنظيف، لأن بالإجابة على الاسئلة دي هتقدري تعرفي أيه أدوات النظافة الأساسية وللي هتساعدك.
أدوات النظافة المجهزة من البداية، بتسهل مهام النظافة عليكي
لو أعتبرنا إنك جاوبتي على الأسئلة اللي فوق، وأتضح إنك هدف تنظيف المنزل إن في مناسبة أسرية هتحتفلي بيها مع أسرتك البسيطة، وإنك إنتِ المسئولة عن النظافة لوحدك.
ده معناه إن نظافة البيت لازم يكون سريع متقن في الوقت نفسه، والأهتمام الأكبر هيكون لنظافة المطبخ وتطهير الحمامات بجانب ترتيب الغرف الأهتمام الأكبر
وساعاتها أدوات النظافة هتختلف كتير عن لو كنتِ عاوزة تنظيف البيت يكون نظافة عميقة، ومهتمة بيها في التفاصيل
ولو شايفة إن ده مش كفاية، وإن محتاجة حد يساعدك، ممكن تتواصلي معانا، وأحنا هنوفرلك هلبر تساعدك في التنظيف عشان تريحي بالك