محتويات المقال
توريد عمالة النظافة: هو مبقاش فيه عمال ولا الناس بطلت تنضف بيوتها؟
السؤال ده تقريبًا على لسان الكل، سواء اللي محتاج عمال نظافة أو العامل نفسه، لأن الاتنين مش عارفين يوصلوا لبعض، رغم أن المكان أو البيت محتاج جدًا لـ توريد عمالة النظافة، وكذلك عمال النظافة محتاجين الشغل، وفي منهم مستعد لإتمام كل اللي محتاجه منه الشغل.
بس للأسف، مش دايمًا بيلاقي شغل، أو خلينا نقول محدش بيعرف يوصلوا، خصوصًا لو كانت علاقاته قليلة، أو مفيش حد حواليه محتاجه حاليًا.
وأفتكر برضوا أن اللي محتاجين لـ توريد عمالة النظافة بيمروا بنفس المشكلة بس بطريقة مختلفة، لأن علاقاتهم قليل ما هتساعدهم انهم يلاقوا عمال نظافة شطا، وبأسعار كويسة، ويكون في نظام متفق عليه وميتغيرش! فتلاقيهم دايمًا بيدوروا على عمال النظافة بالمعارف و اللي هماأصلًا بيواجهوا نفس المشكلة.
المشكلة الأكبر بتظهر لما يتعامل واحد من المحتاجين للعمالة مع عامل نظافة غير أمين أو مش شاط، ويروج أن كل عمال النظافة غير أمناء ومش شاطرين في شغلهم، وده برضوا مش حقيقي، أه ممكن تواجه المشكلة دي، بس ده مع شخص واحد. فهو الشخص اللي خاطيء مش الكل.
خصوصًا أن كل المجالات فيها الوحش والحلو، بس ده ميمنعش انك ممكن تمر بالتجربة دي خصوصًا لو كنت اتفقت معاه بصورة شخصية ومن معارف غير موثوق فيهم.
ومن ناحية تانية لو كنت شركة هي اللي محتاجة لـ توريد عمالة النظافة فالمشكلة بتكون أكبر من الناحيتين، لأن قليل ما تلاقي عقود تضمن حقوق العامل وواجباته، وساعات بيكون نظام الدفع في الشركة أو المكان مش واضح، فبالتالي ممكن العامل يستهون بالعمل وميلتزمش بقواعد العمل.
وعليه .. إيه اللي يحل مشاكل توريد عمالة النظافة وعامل النظافة نفسه؟
توريد عمالة النظافة وحلول مشاكلها
بالنسبة للبيوت
كأساس لازم نكون فاهمين أن المعارف مش مفيدة في البحث عن عمال النظافة، لأن أكيد بتحطي نفسك في مشكلة أن ميبقاش في أي نظام تتضمني بيها حقك وحق العاملة.
فبالتالي الكلام دايمًا هيتغير، وتظهر مشكلة عدم ثبات الوقت وإنك تضطري أحيانًا كتير إنك تساعدي العاملة بنفسك عشان تنجزوا والبيت يخلص
وكتير بتضطري انك توقفي كل خططك اليومية؛ لأنك محتاجة تتابعي العاملة أو العامل، ولو كانت الشقة متقفلة أو لسه متشطبة فالمشكلة بتكون أكبر، لإنك محتاجة توجهيها وتقوليلها هتعمل أيه بالظبط.
وعشان كده إنتِ محتاجة واحدة تكون شاطرة وأمينة وفاهمة متطلبات العمل كويس، و مدربة على التعامل مع كل البيوت تقريبًا، وده اللي بتوفره شركة هلبر.
اللي هتريح بالك تمامًا، لأنها هي اللي هتتفق مع العاملة وهي اللي هتوفرلها المرتب وكمان هتضمن حقك لو حصل أي مشكلة من جانب ال”هلبر”، من الاخر هيكون في حد تقدري ترجعيله لو حصل اي مشكلة.
بالنسبة للشركات
من وجهة نظري مشكلة الشركات أساسها العقود إن يكون فيه عقد يضمن حقوق الطرفين، وخصوصًا في نقطة التأمين الاجتماعي والمعاش للي بيتحرم منها عمال نظافة كتير.
وعشان كده أفضل لحل لمشكلة التعامل مع الشركات المحتاجة لـ توريد عمالة نظافة وعمال النظافة هي وجود حلقة وصل بينهم.
وده اللي بتوفره شركة هلبر، واللي عرفت إزاي تكون حلقة وصل ترضي الطرفين، خصوصًا أنها بتوفر عروض جيدة للشركات ومرتبات مجزية لعمال النظافة.
حلول مشاكل عمال النظافة
عمال النظافة دايمًا بيحتاجوا للي يضمن حقوقهم سواء لو بيتعاملوا مع بيوت أو مع شركات، للي هيفرق معاهم بس إن حقهم المادي والمعنوي يكون موجود. وده بتوفره بجدارة شركة هلبر، من خلال المرتبات المجزية، وكمان هتوفر لك فكرة الأمان، لإنك مش بتشتغل عند فلان أو في شركات علان فينهي خدماتك وترجع تاني متشتغلش.
لأ.. إنت بتشتغل مع شركة هلبر، وهي للي مسئولة إنها تلاقيك فرصة تانية في حال حدوث أي مشاكل أو خلافات، مادام المشكلة أساسها ملوش علاقة بالأخلاق العامة أو المهنية.
فلو انت شخص بتدور على شغل ممكن تقدم عندنا في هلبر في قسم توريد عمالة النظافة.
