مهما كان مساحة شركتك أو حجم العمل فيها، دايمًا بتحتاج لعامل نظافة أو البوفيه، وده مش سهل إنك تلاقيه خصوصًا لو كان احتياجاتك كبيرة، أو المكان محتاج تنظيف دائم. خلى مكتبك دايما نظيف.
لأن احيانًا الموظف بيقضي فوق الـ 8 ساعات في الشركة، خصوصًا لو كانت شركة ناشئة ومحتاجة أقصى مجهود لكل موظف موجود فيها، دايمًا بسبب الشغل الكتير وإن مفيش وقت إن حد ينضف مكتبه أو يغسل الأدوات اللي استخدمها من كوبايات أو أطباق، مع نهاية اليوم بيكون المكان مليان مخلفات والمطبخ بيكون في أسوأ حالاته والحمام مش نظيف ولا مُعقم
وعشان كده بيكون وجود عامل نظافة أو أتنين من الضروريات، لإنه مش بس هيحافظ على نظافة المكان لا وبيئته الصحية اللي هتساعد الموظفين يطلعوا أحسن ما عندهم، من غير ما يضطروا يعانوا من النظافة السيئة، ولا يضيعوا وقتهم في التنظيف.
محتويات المقال
أهم تحديات البحث عن عامل نظافة بالنسبة للشركات
بس المشكلة بتظهر لما يقرر مسئول الخدمات العامة أنه يجيب عامل نظافة أو عامل بوفيه، في أنه مش دايمًا بيلاقيهم بسهولة، ولو… فالعامل هيكون محتاج ضمانات كتير من عقود وتأمينات اجتماعية وصحية، وقصاد ده فهو مش ضامن إن العامل هيكمل ولا متأكد أنه هيعرف يسد احتياجات الشركة بنسبة ١٠٠٪
في هلبر قررنا نحل لك المشكلة دي ونشيل من عليك الصداع ده كله. بأنك تحجز معانا في خدمة هلبر لخدمات نظافة الشركات، اللي منها هنوفر لك العدد اللي انت محتاجه من عمال النظافة وعامل البوفيه، عشان تقدر تحافظ على بيئة صحية ونظيفة لموظفيك.
إزاي تطلب عمال النظافة للشركات
الحجز عمال النظافة للشركات مع هلبر يتم بأسهل طرق. وهي إما من خلال الموقع أو من خلال صفحتنا على الفيسبوك.
وده من خلال إرسال أحد مسئولي الخدمات العامة بشركتكم لصفحة شركة هلبر برغبته في حجزعمالة نظافة، مع تحديد أيه اللي محتاجه بالظبط منهم، ولو في معلومات عن عدد الفروع ومساحة الشركة نفسها، عشان يقدر مندوبنا يوفر لك احسن وأنسب عمال نظافة لدينا.
والجدير بالمعرفة إن مش لازم يكون متواجد كل يوم! بمعنى إن متاح لك تحديد عدد أيام معينة في الشهر يجي فيها العامل يقوم بتنظيف المكان بأفضل الطرق.
مميزات خدمة النظافة للشركات مع هلبر
هلبر المسئول عن النظافة
شركة هلبر هي المسئولة عن عمالها، بمعنى إنها المسئولة عن كل الأوراق الرسمية الخاصة بعمال النظافة، والعقود اللي بيحتاجها، وكمان بتضمنلك إن العامل يكون متواجد في الوقت واليوم والساعة للي متفقين عليه بالظبط.
تعين عمال نظافة بجودة عالية
إحنا مش بنعين أي عامل نظافة بالعكس بنوفر تدريب للعمال قبل ما يبدأوا في العمل، فده بيضمنلك جودة عالية في النظافة بأسرع وقت واقل مجهود.
هلبر توفر أجهزة التنظيف الخاصة بها
ودي من أهم مميزات شركة هلبر، إن أجهزة وأدوات النظافة مش هتعتمد على الأدوات الموجودة في شركتكم، لا! إحنا اللي هنوفر الأجهزة والأدوات اللازمه للنظافه.
طيب… ما هي مهام عامل النظافة في الشركة
المهام العامة
تنظيف و مسح الأسطح والاسقف والارضيات و النوافذ والاسطح الزجاجية والمرايا والابواب وتلميع وتعقيم كل المقابض و مفاتيح الكهرباء وتنظيف البلكونات بأسوارها وجمع المخلفات.
المطبخ
تنظيف وترتيب دواليب المطبخ ومسح وتلميع الارضيات و الحوائط والأسطح والأجهزة الكهربائية من ثلاجة وميكروويف او بوتجاز
الحمام
وفيه سيقوم العامل بتنظيف وتعقيم كل ما يتعلق بالحمام، من أحواض وقواعد تواليت من الداخل والخارج، وكمان تلميع الحنفيات وحامل ورق التواليت وتنظيف وتعقيم الحوائط.
2 تعليقان. Leave new
عمل جيدا جدااا
سلام عليكم اريد عمل في النظافة محتاج لهدا العمل من فضلكم